Hurip Aleng Em Teneng.

Jarun-jarun anih, susah lan akui ngenep bara susah dahin perah kenep kui. Uh pah ngahum assignments dalok lecturers akui bagi, te' pah la'an masalah aleng beh.

Mukin akui kah aleng sala kurik, nusik lan akui jam dahin kasi asi. Lilim kelunan adeng suka' bunget, jaka' dahak bunget, adeng musang lilim dahun aleng na kelunan perah kenep, duwan ket ji'ek tentang dalok bi itak nah perlu berhati-hati dahin hi itam duwan anan, nusik ika' jam ji do na'a kelunan anan akan peji'ek ikak uli dahin aleng paling teruk na' ihak bara uli nun aleng ikak pernah peji'ek kelunan beh.

Nunan nah situasi akui jarun-jarun anih. Aleng paling akui lucu nah, kelunan aleng duwan akui sukak duwan ket ji'ek anan lahuk lubun ji duwan sebareng dahin peji'ek kelunan aleng beh. Anih hakikat na', lilim kelunan duwan ket ji'ek!

Hai..pelasek lan urip anih. Em teneng lan pedung.

XoXo...

Akui..

Akui ha' nah akui..nusik tek dahak deng bara nun aleng akui perlu jadi'...

Pedung perah dahin pasi lan kenep kui java' dahak duwan sebareng marung akui..

Nun nah sala ta' rek...

Nusi kui tiah nun aleng kelo' selalu kumak anan..nusik kui maren tiah aleng kelo' selalu pedengah men ji usan tana...Nusik!!! Akui suma kelunan aleng biasa...Nusik akui subung lahuk..Nun guna akui subung duh..tiah lan dei tek sin nei masuk hak alem bank kui java' akui subung..

Java' akui em duwan tada' na' akui lekoh duwan kah atih..adeng barik kui kah atih leko' duwan..

Masi kui kereng...meng kelo' seng selalu na akui perah kenep...

Tuhan..im masi nah akui...akui nih penu dahin dusa sala..Im mayau nah akui jadi' kelunan aleng maring..

XoXo. I'm proud for not forgetting my mother tongue language! (though not that pro in writing and speaking).